“Праца пісьменніка.
У творчай лабараторыі Максіма Багдановіча”
1 мая 2024 года, а 18-й гадзіне ў Літаратурным музеі Максіма Багдановіча адбудзецца лекцыя “Праца пісьменніка. У творчай лабараторыі Максіма Багдановіча”.
Трэба з сталі каваць, гартаваць гібкі верш,
Абрабіць яго трэба з цярпеннем.
Як ударыш па ім, – ён, як звон, зазвініць,
Брызнуць іскры з халодных каменняў.
Працаваць менавіта так над кожным вершам заклікаў Максім Багдановіч сваіх калег. А якія патрабаванні былі ў маладога паэта да сябе? Як ён ставіўся да ўласнай вершатворчасці? Як працаваў і да якіх вышыняў імкнуўся?
На гэтыя і іншыя пытанні паэтычнага майстэрства Максіма Багдановіча паспрабуе адказаць пад час лекцыі паэт і загадчык музея Міхал Бараноўскі.
Кошт – 3 руб.
Падрабязная інфармацыя на старонках музея ў сацыяльных сетках.
Літаратурны музей Максіма Багдановіча
Мінск, вул. М.Багдановіча, 7а
maksimbagdanovich@gmail.com
+375 29 101 71 47, +375 17 363 07 61.
