Сёння, 12 студзеня, Дом-музей Адама Міцкевіча наведалі хрыстаславы – вучні сярэдняй школы №3 г. Навагрудка з выкладчыкам факультатыўнага курса “Асновы духоўна-маральнай культуры і патрыятызму” Надзеяй Грамыка.
У сваіх песнях і вершах яны славілі Ражство Хрыстова, неслі радасную вестку і жадалі міру і дабра. Вучні наведалі дзеючую ў музеі выстаўку “Святло ікон”. Супрацоўнікі музея ўручылі хлопчыкам і дзяўчынкам салодкія падарункі.
